كان ياماكان فى سالف العهد والزمان معهد حلمبوحة ويقوم على ادارته مجموعة من اصحاب الطراطير والقراطيس لايفقهون شىء فى حياتهم سوى الطبيخ واللت والعجن وسبدا لكم باولى حلقات معهد حلمبوحة لاعرفكم بالادارة التى استولت على عرش المعهد واحتلته بعد تورط المدير القديم فى قضية رشوة جنسية وتم خلعهه من على كرسى الحكم وتاتى الادارة الجديدة وتعالوا اعرفكم بيها وحتشوف العجب فى الادارة دى لان كل واحد مشى لا قى شغلة فى المعهد يقول انا وكيل مش قلتلكم معهد حلمبوحة يلا بقى كفاية نبدا بقى نعرفكم بالناس الجميلة دى والشخصيات اللذيذة دى ونبدا بالر اس الكبيرة
(ماما نونا) ودى بقى تبقى سيادة المديرة طبعا الاحترام واجب بدل منتاخد جزة ودى بقى ياجماعة بطة ماشية على الارض ودى كمان صاحبة واجب اوى بذات مع السادة الموجهين تلاقى الشاى والسكر والحاجة الساقعة ياسلام ع الكرم والمشكلة ان الموجهين دول فرز تالت بس يالله نقول اية الدنيا دى حظوظ واما كان الواحد بيشوف مناظر الكرم دى كان يترحم على ايام المدير الاولانى السيد (شنكل ) واللى كان سكلى درجة اولى ولا كان بيعبرهم المهم نرجع لماما نونا واللى هى بتحب تدعى دعاء حلو بحبه اسمعه على طول وهى تقول روح الله يسترك فربنا يسترها علينا وعليها قولوا امين ياجماعة يلا بقى ننقل على الرجل الثانى اية قصدى الست (محرجة هانم ) ودى بقى زى مقلتلكم اللى عاوز يجيله جميع الامراض الضغط والسكر والزهايمر وكل حاجة وعشان كدة كل الدكاترة بيحبوها لانهم بيا كلوا عيش من وراها وعشان كدة بيدعولها ربنا يقويها واحنا طبعا بندعى بالعكس ودى كمان واخدة لسانس بلغة السبيعينات وطبعا الاسانس كان غالى اياميها وعشان كدة بقت الست التانية وكفاية كدة لاجل متحرجونش يا اسيادنا يلا بقى نخش على تالت واحد معانا النهاردة وهو السيد (ابوقردان) وطبعا انتوا عارفين ان ابو قردان بيحب ينقرفى الارض ويلم الدود وصاحبنا ده كدة بس مش بينقر فى الارض ده بينقر فى دماغ الناس اصحاب القرار فى محاولة للتسلق كما انه يشبه الهالوك ايضا لانه يحب ان يصعد على اكتاف الاخرين ويسعى جاهدا ان يبرز نفسه ويضع نفسه فى وضع ذات اهمية وان بدونه العمل يقع وميمشيش نيجى بقى للاخ التانى اللى هو قاعد مش عارف حاجة فى اى حاجة احد القفاطين والعمم الكبيرة وهو الاخ الشهير (شلتوت ) وهو احد عجائب المعهد السبع لايعنيه شىء فى دنياه سوى الاكل والشرب وكباية الشاى ومااحلاه عيشة الفلاحة ودلو قتى بقى يلا بينا بقى نروح ع (الفرعة ) وزى مقلتلكم دى منها للسما بسم الله ماشاء الله عليها ودى بقى من مراكز القوى فى معهد حلمبوحة لان لها تاثير كبير على الكرنبة الكبيرة وكمان من صناع القرار فى حلمبوحة دمت الروس الكبيرة انتظرونى اكملكم بقى وربنا يعنى بقى وتعرفوا مستكة واخواتها فى الحلقات القادمة
(انتظرونى))
الخميس يونيو 26, 2008 12:01 am